UKITAKA CHUMA KUWA SUMAKU

Habari yako mpendwa mfuatiliaji wa makala zetu za mafanikio,afya na tabia. Tunajua ili tufanikiwe kwenye yale tunayoyafanya tunahitaji watu ambao tutaendana nao kitabia, kiufanisi na kiuadilifu. Nakukaribisha tena siku ya leo tujifunze kutoka kwa sumaku.

Kuna watu wanajiuliza nitamjuaje wa kufanana naye? Ninayeendana naye?
Najua kuna mtu unamtafuta ufanye naye kitu mfano biashara, kuna mtu unamtafuta ujenge naye urafiki, uchumba n.k Yaani kuna sifa unatamani mtu Fulani awe nazo ndipo uweze kufanya naye jambo fulani kama mifano tajwa hapo juu. Nataka nikueleze, ukimkuta kichaa jaani hushangai, lakini mtu aliyetimamu ukimkuta huko bila shaka lazima ushangae. Ndio kuna mazingira ambayo huwezi kuwakuta nzi wako wengi kama mazingira machafu. Kuna watu unataka ushirikiane nao katika jambo kwenye maisha yako wakiwa na sifa fulani lakini unashindwa kuwajua.

Iko wazi kwamba ndege wanaofanana ndio wanaoruka pamoja, swali ni je,utamjuaje binadamu unayefanana naye katika hilo unalotaka kulifanya?

Tufikirie sifa za sumaku kidogo!
Sumaku inasifa au tabia yakuvuta vitu vyenye sifa ya kuvutwa na sumaku mfano chuma, nikeli, na kolbati. Huwezi kukuta sumaku inanasa mawe, wala shaba, wala mbao au kitu chochote ambacho hakina sifa ya kuvutwa na sumaku.
Sumaku kwa sumaku pia zinavutana tena mvutano wake ni mkubwa zaidi kuliko hata ule uliopo kati ya sumaku na chuma au nikeli au kolbati.

Tunajifunza nini kutokana na sifa za sumaku???
Tabia yako au sifa zako zinaouwezo mkubwa wa kukuamulia aina na sifa ya watu utakaoshirikiana nao. Wakati mwingine unaweza ukadhani hauna bahati kwa kuwa mara kwa mara umekuwa ukikutana na watu ambao unawaona sio sahihi kwako. Ukweli ni kwamba ili upate watu wenye tabia fulani lazima wewe uanze kuandaa mazingira yatakayomvuta mtu huyo kwa kuhakikisha unaanza kuwa na tabia hizo wewe kwanza. Sumaku inaweza kuvutwa kwa sumaku tu. Na sumaku haivuti kila kitu isipokuwa kile chenye sifa au tabia ya kuvutwa na sumaku pekee. Watu wenye sifa na tabia kama zako ndio pekee unaoweza kuwavuta kwako. Ukiona unataka mtu mwenye sifa usonazo wewe ujue unalo zoezi la kuwa na sifa zitakazomvutia kwako. Kwa hiyo sio rahisi nyuki kumfata mtu pasipo sababu lazima kuna harufu imemvutia sio rahisi kumkuta nyuki kwenye kila ua yapo maua ambayo ukimkosa nyuki humo unajiuliza imekuaje.

Jifunze kuwa sumaku uwavute kwako wenye tabia za kuvutwa nawe au uvutwe na wenye tabia kama yako.
Tabia zikifanana ni rahisi kuendana kuvutana na kuelewana. Rekebisha hapo kwanza uone kama hawatakuja unaowataka. Na hii ndio njia pekee na rahisi ya kuwapata wenye tabia unazotaka lazima uanze wewe. Yangeyange mara nyingi huruka kwa makundi kama ujuavyo wale ndege ni weupe pee, kwa hiyo wakiwa kwenye kundi ni rahisi kumjua ndege aliyezamia lakini kumkuta ni nadra sana.

Tambua mwenye sifa unazozitaka anamtafuta mwenye sifa kama hizo ili ashirikiane naye kwa hiyo sumaku hunasa sumaku au chuma, wakati huo sumaku kama zinaweza kunasana kumbe nazo zina sifa ya chuma ndani yake.Pia ni rahisi sumaku kunasa sumaku kuliko Kitu kingine hata chuma chenyewe. Utaendelea kulaumu hupati watu sahihi kumbe UKITAKA CHUMA SHARTI UWE SUMAKU NI KUAMBUKIZANA na KUNASANA tu.

Urahisi uliopo ni kwamba maeneo unayoweza kupata chuma ni tofauti na maeneo unayoweza kupata kolbati  na pia ni tofauti na ilipo nikeli. Kwa hiyo sio rahisi kuvivuta vyote kwa pamoja.
Kikubwa uwe nikeli au chuma au kolbati ili uweze kukivuta kimoja wapo.

Imeandikwa na Antony Mwakilima.
Mawasiliano:     0756 351 462
Whatsapp          0783 153 224
email:     mwaijox@gmail.com      

       TAFAKARI BADILI MTAZAMO
                         ©2017

Comments

Post a Comment

Popular posts from this blog

AVUMILIAYE MPAKA MWISHO NDIYE ATAKAYEOKOKA!

Habari ya uzima mpenzi msomaji wa makala zetu,tunayofuraha kuzidi kuendelea kujifunza pamoja nawe.Siku ya leo ni siku ya pekee kabisa ambayo tunakwenda kuzungumzia habari ya kuvumilia mpaka mwisho. Kuvumilia ni kule kukabiliana na changamoto zozote unazokutana nazo pasi na kukata tamaa,kurudi nyumba au kukubali kushindwa. Anayevumilia ni yule asiyekuwa tayari kushindwa licha ya ugumu anaoupitia. Kuvumilia kuna ukomo tofauti tofauti kulingana na mtu binafsi na ugumu husika anaoupitia. Kwa uzito uleule wa kazi fulani au changamoto fulani,wapo watu wa makundi yafuatayo kuhusiana na viwango vya uvumilivu wao. WANAOVUMILIA MUDA MFUPI TU. Kuna wengine huweza kuvumilia changamoto kwa muda mfupi tu na kukata tamaa au kuchoka kabisa na asiwe tayari kuendelea tena. Hawa wengi wao wanakuwa bado hawajayakaribia mafanikio kabisa yaani wanapothubutu tu kufanya jambo la kuwapeleka kwenye mafanikio, wakikutana na changamoto hukimbia kana kwamba wanapokimbilia hakuna changamoto. Hawa wanadhani ...
Read more

KIPIMO UNACHOPIMIA WENGINE NDICHO UTAKACHOPIMIWA

Habari zenu wanamafanikio ? Ni dhahiri kuwa MUNGU anatupenda sana kiasi kwamba ametupa tena nafasi kafika mwaka mwingine tena kuendelea kujifunza kutoka kwake kupitia watu mbalimbali kwa manufaa ya maisha yetu! Kipimo ni kiasi au kiwango Fulani chenye kizio kwa namna ya kifizikia lakini kwa namna kusudiwa hapa kipimo kinamaana ya kiwango cha matendo au mambo unayoyafanya kwa wengine ambayo yanaweza  kuwasaidia au yasiwasaidie kwa kutotosheleza kile walitaraji! Kuna namna umekuwa na uwezo wa kuwasaidia wengine kwa kiwango Fulani tuchukulie labda ni kilo kumi za mchele lakini wewe umetoa kilo tano usitegemee ukihitaji wewe utapewa kilo kumi la sivyo hukuwa na uwezo wa kutoa kilo kumi ndipo ukatoa tano. Upo wakati umekuwa ukilalamika kwa habari ya kutaka msaada Fulani kwa mtu Fulani uliyemuamini atafanya kwa kiwango Fulani ridhishi kwako na hakufanya hivyo, nataka nikuambie kabla hujaanza kulaumu na kulalamika kwamba mtu uliyemuamini na kumkubali namna hiyo angeweza kukutendea hivy...
Read more

USIMDHARAU MTU YEYOTE

Habari yako mpenzi msomaji wetu?Bila shaka u mzima wa afya.Ni wakati mwingine tena siku nyingine tukiwa na hamasa nyingine nakukaribisha tuungane pamoja kujifunza juu ya usimdharau MTU yeyote! USIMDHARAU MTU Ndio natumaini kila mmoja wetu kama binadamu yawezekana kabisa kuna mazingira umekutana nayo kwenye maisha ukawadharau wengine au kuna Hadhi umepata ikakupelekea uone wewe pekee ndio unamaana na umuhimu.Nataka nikuambie usimdharau mtu awayeyote kwa sababu, Bado hujajua kila Kitu Yawezekana kwa hilo ulifanyalo wapo wenye maarifa zaidi ukiwadharau hutayapata.usijione kwamba huwezi tena kuhitaji maarifa yoyote kutoka kwa wengine, ni muhimu sana kujua hili ikiwa unataka kufanikiwa ni lazima uwe mchezaji mzuri wa timu yako ,maarifa yetu yanatofautiana na uwezo wa kufanya mambo vilevile kwa hiyo badala ya kudharauliana,golikipa anapaswa asimdharau mfungaji wake ama beki ili waweze kushirikiana vizuri hebu tushikane mikono kama timu tucheze pamoja ndivyo wengine wanavyofunga mago...
Read more