FANYA UNACHOKIPENDA

Habari ya leo tena mpendwa msomaji na rafiki yangu ?ni matumaini yangu kuwa uko na afya njema kabisa inayoimarika kila siku kwa ajili ya kukuwezesha kuweka bidii zaidi hata kufikia mafanikio uyatakayo.


Ni vema sana kuupa mwili wako kile unataka kwa ajili ya kuwa na afya njema ,nguvu na kukupa ujasiri wa kupambana mpaka umeona mafanikio au umepata kile unachotaka.


Fanya unachopenda mwenyewe. Nasisitiza tena fanya unachokipenda wewe mwenyewe.Hapa nazungumzia habari ya kufanya chochote halali chenye matokeo chanya kwenye maisha yako na yanayokuzunguka,kuna mambo mengi mazuri unatamani kuyafanya kutoka moyoni mwako lakini pengine umekutana na wanaokupinga usifanye au wanaokuzuia kufanya hicho kisichoharamu unachopenda kufanya.
kwa nini ufanye unachokipenda?


Kufanya unachokipenda itakufanya


1/uweke bidii kubwa tofauti na yule anayefanya kitu asichokipenda au anayeshinikizwa kufanya jambo asilolipenda.
Ndio wengi wameshindwa kutimiza ndoto zao au maono yao ya kimaisha kutokana na kufanya mambo wasiyoyapenda licha ya kuyaweza lakini wamejikuta wanashindwa kuweka bidii au kufanya juhudi kwa kuwa hawakuwa tayari kufanya mambo hayo,licha ya kuwa wakati mwingine unaweza kuweka bidii lakini ni rahisi kukata tamaa inapotokea ugumu wowote,mfano mwanafunzi anaesomea fani anayoipenda baba au mama yake,ni kweli atasoma atafanikiwa lakini atakuwa ameua ndoto zake au malengo au maono yake kitu ambacho kinaweza kumchukulia muda mwingi sana kuyakaribia mafanikio aliyoyataka au kutoyafikia kabisa.


2/Utamani kuona kile unachokipenda kinafanikiwa.
Licha ya ugumu,changamoto na matokeo ya kukukatisha tamaa bado unapata nguvu ya kuendelea kufanya zaidi ili kuthibitisha kwamba ni kitu unachokipenda na haukubali kushindwa kirahisirahisi ,na kwamba una maono nacho.


3/Uamini kwamba unaweza bila kujali walioshindwa.
Ndio ukipenda kitu hauwi tayari kukiacha japo wengine  wamekiacha,hata kama wanaofanya kitu hicho kama wewe wanashindwa unaamini uwezo binafsi na ule utofauti wenu unatosha kukutia moyo kuendelea kufanya bila kukata tamaa.


4/Uongeze ufanisi katika utendaji wako.
Unapofanya kitu unachokipenda unafanya kwa ufanisi mkubwa maana unataka wengine wajue kwa nini unakipenda ,unakuwa tayari kujifunza zaidi ili ufanye kilicho bora chenye kuongeza thamani kwa wengine.Unatafuta ueledi zaidi kila wakati ukifanye kionekane bora.
mfano,wagunduzi wa kompyuta pakato(laptop)walianza na kompyuta nyumba, kompyuta za mezani wakaendelea kutafuta ueledi wa kuboresha zaidi na kutengeneza laptop.


5/Utake kuthibitisha uzuri au ubora wa jambo unalolifanya kwa wengine.
Licha ya kuwepo kwa maneno yasemayo hakilipi unachokifanya au hakina faida bado unaiona faida na malipo makubwa sana na unaongeza nguvu ya kufanya zaidi ili uthibitishe kuwa malipo /faida huanza pale unapoamua kufanya unachokipenda na sio kwa kushauriwa au kushinikizwa kufanya. Unaona thamani na fursa ambazo wengine hawazioni kwa kile unachokipenda,mfano;unapenda kuigiza lakini unaambiwa uigizaji bongo ,umekosa kazi za kufanya?Lakini kwa kuwa ndicho ukipendacho hukatishwi tamaa na maneno ya watu badala yake unataka uwe muigizaji mkubwa Duniani ili uthibitishe thamani ya kile ukipendacho.


6/Uwe na furaha hata kama bado hujafikia kilele cha mafanikio utakayo.
Ile kwamba unafanya unachokipenda moyo wako na roho yako vinaridhika basi unakuwa mtu wa furaha hata kama bado hujaona matunda lakini kufanya jambo vizuri ni kulifanya kwa furaha.Ukitaka kujiona mwenye furaha maishani mwako anza kufanya mambo unayoyapenda usikubali kuyumbishwa na mtu yeyote, mfano wa kufanya usichokipenda ni sawa na kuoana na mke/mume usiyempenda sio rahisi kufurahia maisha ya ndoa na pia si rahisi kuwa hata na wasaa wa kujadili mustakabali wa maisha yenu, kwa kifupi sio rahisi kushirikiana kwa pamoja kutimiza azima ya ndoa na ndoto za kila mmoja wenu!
Tambua unachotaka, fanya unachopenda, ishi kwa furaha.


Imeandikwa na Antony Mwakilima.
mawasiliano: 0756-351 462
                          0672-314 874
email: mwaijox@gmail.com


                    ©2016


Comments

Post a Comment

Popular posts from this blog

AVUMILIAYE MPAKA MWISHO NDIYE ATAKAYEOKOKA!

Habari ya uzima mpenzi msomaji wa makala zetu,tunayofuraha kuzidi kuendelea kujifunza pamoja nawe.Siku ya leo ni siku ya pekee kabisa ambayo tunakwenda kuzungumzia habari ya kuvumilia mpaka mwisho. Kuvumilia ni kule kukabiliana na changamoto zozote unazokutana nazo pasi na kukata tamaa,kurudi nyumba au kukubali kushindwa. Anayevumilia ni yule asiyekuwa tayari kushindwa licha ya ugumu anaoupitia. Kuvumilia kuna ukomo tofauti tofauti kulingana na mtu binafsi na ugumu husika anaoupitia. Kwa uzito uleule wa kazi fulani au changamoto fulani,wapo watu wa makundi yafuatayo kuhusiana na viwango vya uvumilivu wao. WANAOVUMILIA MUDA MFUPI TU. Kuna wengine huweza kuvumilia changamoto kwa muda mfupi tu na kukata tamaa au kuchoka kabisa na asiwe tayari kuendelea tena. Hawa wengi wao wanakuwa bado hawajayakaribia mafanikio kabisa yaani wanapothubutu tu kufanya jambo la kuwapeleka kwenye mafanikio, wakikutana na changamoto hukimbia kana kwamba wanapokimbilia hakuna changamoto. Hawa wanadhani
Read more

KIPIMO UNACHOPIMIA WENGINE NDICHO UTAKACHOPIMIWA

Habari zenu wanamafanikio ? Ni dhahiri kuwa MUNGU anatupenda sana kiasi kwamba ametupa tena nafasi kafika mwaka mwingine tena kuendelea kujifunza kutoka kwake kupitia watu mbalimbali kwa manufaa ya maisha yetu! Kipimo ni kiasi au kiwango Fulani chenye kizio kwa namna ya kifizikia lakini kwa namna kusudiwa hapa kipimo kinamaana ya kiwango cha matendo au mambo unayoyafanya kwa wengine ambayo yanaweza  kuwasaidia au yasiwasaidie kwa kutotosheleza kile walitaraji! Kuna namna umekuwa na uwezo wa kuwasaidia wengine kwa kiwango Fulani tuchukulie labda ni kilo kumi za mchele lakini wewe umetoa kilo tano usitegemee ukihitaji wewe utapewa kilo kumi la sivyo hukuwa na uwezo wa kutoa kilo kumi ndipo ukatoa tano. Upo wakati umekuwa ukilalamika kwa habari ya kutaka msaada Fulani kwa mtu Fulani uliyemuamini atafanya kwa kiwango Fulani ridhishi kwako na hakufanya hivyo, nataka nikuambie kabla hujaanza kulaumu na kulalamika kwamba mtu uliyemuamini na kumkubali namna hiyo angeweza kukutendea hivyo, u
Read more

HASIRA HASARA

Image
Habari za leo rafiki yangu!bila shaka uko vizuri na unapiga hatua kila unaporuhusu ubongo wako upokee vitu vipya na kukuongezea thamani katika maisha yako. Leo ni siku nyingine tena tunayofuraha kuungana pamoja kujifunza kuhusu hasira hasara ,hebu jiulize ni mara ngapi umeruhusu hasira iamue juu ya hatima ya maisha yako licha ya kuijua methali hii? unadhani maamuzi uliyochukua ukiwa na hasira yamekuwa chanya kwenye maisha yako? kama hasira imekupa athari hasi za maamuzi uliyochukua ukiwa umeudhiwa ,umechukua hatua gani hata sasa? Naomba upate muda utafakari kiasi ambacho maisha yako yameathiriwa kutokana na maamuzi uliyofanya ukiwa na hasira, hebu mtazame Kaini alichofanya baada ya kutawaliwa na hasira alimuua nduguye Abeli, na baada ya hapo akaingia kwenye laana ambayo hakika ilisababisha maisha yake yasiende vizuri. Yawezekana kabisa alijua kwamba akiua ndugu yake mambo yake yatakuwa mazuri na pengine atakubalika badala yake kampoteza ndugu na laana juu. Je,ni mara ngapi umesikia
Read more