ACHA KUTAMANI KUWA KAMA MWINGINE.

Habari ya wasaa huu rafiki zangu naimani nyote hamjambo na mnaendelea kuyafanyia kazi tunayojifunza kila wakati,nataka tujifunze kuhusu saikolojia ya kutammani kuwa kama mtu fulani au mtu mwingine,saikolojia hii ni kwamba hutafanya cha kwako ila cha yule unaetamani kuwa kama yeye.


Ndio ni muhimu sana kulitambua hili usitamani kuwa kama mimi na mimi nisitamani kuwa kama wewe kwa sababu ifuatayo ,kama mimi nikitamani kuwa kama wewe ,je ni nani atakayefanya kile Mungu amekusudia kifanyike kupitia mimi?pia kama wewe ukitamani kuwa kama mimi nani basi atakayefanya kile ambacho Mungu ametaka kifanyike duniani kupitia wewe?.Hii ndio sababu muhimu ya kukwambia usitake kuwa kama yeyote yule kwa kuwa hakuna kama wewe mwingine yaani wewe au mimi ni watofauti sana ukilinganisha na mwingine,na huo utoafauti wetu ndio thamani yetu.Kile kitu kinachokutofautisha na mimi ndio kitu kinachoutambulisha ubora wako ,thamani yako, uwezo wako na yamkini upekee ulionao.


Kila mtu duniani amepewa kitu cha kufanya tofauti kabisa na alichopewa mwingine ,ile kwamba sote ni waimbaji si tija lakini ule utofauti wa viwango vya uimbaji ndio haswa thamani inayokutofautisha na mwingine,huyu akiimba besi mwingine sauti ya kwanza na yule ya pili akawepo mwingine sauti ya tatu apo tunapata timu ya waimbaji ,wa sauti ya kwanza kwelikweli akitamani kuimba sauti ya nne  tutakosa sauti ya kwanza na tutaharibu timu yetu.Tatizo sio ualimu lakini kile kiwango cha ufundishaji ambacho huteka fahamu za wanafunzi na kuachilia uelewa wa mambo mbalimbali wanayofundishwa ndio unaomtofautisha mwalimu mmoja na mwingine .Si lazima tupishane mambo tunayoyafanya yanaweza kuwa sawa ila yakatofautiana ubora na viwango kiutendaji.Jiulize kama mkono ungetamani kuwa kama mguu ni nani angeshika?kama jicho lingetamani kusikia ni nini kingetazama au kuona?kama ulimi ungetamani kunusa kama ifanyavyo pua ni nini kingeonja ladha?


Najua licha ya kuwa na kitu cha thamani kubwa ndani yako bado umetamani kuwa kama mwingine.Yawezekana hujafahamu ni kipi ulichopewa kufanya na thamani yake ndio maana umekubali kutamani na kufanya juhudi ili kuwa kama mtu fulani na sio kuitoa thamani iliyowekwa ndani yako ambayo kuna kundi kubwa la watu limekuwa likisubiri uitoe iwasaidie kutoka hatua fulani ya maisha hatimae kufikia mafanikio.Ndio kuna watu wanaishi maisha hayo waliyonayo kwa sababu wewe hujafanya cha kwako lakini pia yawezekana kama ungefanya cha kwako ungeweza kupiga hatua zaidi ya hii uliyopo sasa.


Unapoona vitu mfano vikombe,majumba ,vyombo vya moto n.k vimetengenezwa na watu ambao hawakutamani kuwa kama wengine badala yake walifanya mawazo ambayo ndio thamani yenyewe waliyopewa yawekwe kwenye matendo na hatimae tukawa na vitu hivyo.Usikubali kuishi maisha ya wengine kutokana na kutamani kuonekana kama wao ,kutamani kuwa kama mwingine ni sawa na mkono kusema namimi nataka kutembea kama mguu,unaitia timu udhaifu kwa kuikosa thamani yako kwa kutamani na kufanya yale yanayofanywa na wengine pia.Dunia haipaswi kubaki ilivyo panapo uwepo wako,inakungoja wewe ufanye cha kwako ibadilike!!!


imeandikwa na ANTONY MWAKILIMA.
Mawasiliano; 0756 351 462
                    0672 314 874
email:mwaijox@gmail.com


Comments

Post a Comment

Popular posts from this blog

AVUMILIAYE MPAKA MWISHO NDIYE ATAKAYEOKOKA!

Habari ya uzima mpenzi msomaji wa makala zetu,tunayofuraha kuzidi kuendelea kujifunza pamoja nawe.Siku ya leo ni siku ya pekee kabisa ambayo tunakwenda kuzungumzia habari ya kuvumilia mpaka mwisho. Kuvumilia ni kule kukabiliana na changamoto zozote unazokutana nazo pasi na kukata tamaa,kurudi nyumba au kukubali kushindwa. Anayevumilia ni yule asiyekuwa tayari kushindwa licha ya ugumu anaoupitia. Kuvumilia kuna ukomo tofauti tofauti kulingana na mtu binafsi na ugumu husika anaoupitia. Kwa uzito uleule wa kazi fulani au changamoto fulani,wapo watu wa makundi yafuatayo kuhusiana na viwango vya uvumilivu wao. WANAOVUMILIA MUDA MFUPI TU. Kuna wengine huweza kuvumilia changamoto kwa muda mfupi tu na kukata tamaa au kuchoka kabisa na asiwe tayari kuendelea tena. Hawa wengi wao wanakuwa bado hawajayakaribia mafanikio kabisa yaani wanapothubutu tu kufanya jambo la kuwapeleka kwenye mafanikio, wakikutana na changamoto hukimbia kana kwamba wanapokimbilia hakuna changamoto. Hawa wanadhani
Read more

KIPIMO UNACHOPIMIA WENGINE NDICHO UTAKACHOPIMIWA

Habari zenu wanamafanikio ? Ni dhahiri kuwa MUNGU anatupenda sana kiasi kwamba ametupa tena nafasi kafika mwaka mwingine tena kuendelea kujifunza kutoka kwake kupitia watu mbalimbali kwa manufaa ya maisha yetu! Kipimo ni kiasi au kiwango Fulani chenye kizio kwa namna ya kifizikia lakini kwa namna kusudiwa hapa kipimo kinamaana ya kiwango cha matendo au mambo unayoyafanya kwa wengine ambayo yanaweza  kuwasaidia au yasiwasaidie kwa kutotosheleza kile walitaraji! Kuna namna umekuwa na uwezo wa kuwasaidia wengine kwa kiwango Fulani tuchukulie labda ni kilo kumi za mchele lakini wewe umetoa kilo tano usitegemee ukihitaji wewe utapewa kilo kumi la sivyo hukuwa na uwezo wa kutoa kilo kumi ndipo ukatoa tano. Upo wakati umekuwa ukilalamika kwa habari ya kutaka msaada Fulani kwa mtu Fulani uliyemuamini atafanya kwa kiwango Fulani ridhishi kwako na hakufanya hivyo, nataka nikuambie kabla hujaanza kulaumu na kulalamika kwamba mtu uliyemuamini na kumkubali namna hiyo angeweza kukutendea hivyo, u
Read more

HASIRA HASARA

Image
Habari za leo rafiki yangu!bila shaka uko vizuri na unapiga hatua kila unaporuhusu ubongo wako upokee vitu vipya na kukuongezea thamani katika maisha yako. Leo ni siku nyingine tena tunayofuraha kuungana pamoja kujifunza kuhusu hasira hasara ,hebu jiulize ni mara ngapi umeruhusu hasira iamue juu ya hatima ya maisha yako licha ya kuijua methali hii? unadhani maamuzi uliyochukua ukiwa na hasira yamekuwa chanya kwenye maisha yako? kama hasira imekupa athari hasi za maamuzi uliyochukua ukiwa umeudhiwa ,umechukua hatua gani hata sasa? Naomba upate muda utafakari kiasi ambacho maisha yako yameathiriwa kutokana na maamuzi uliyofanya ukiwa na hasira, hebu mtazame Kaini alichofanya baada ya kutawaliwa na hasira alimuua nduguye Abeli, na baada ya hapo akaingia kwenye laana ambayo hakika ilisababisha maisha yake yasiende vizuri. Yawezekana kabisa alijua kwamba akiua ndugu yake mambo yake yatakuwa mazuri na pengine atakubalika badala yake kampoteza ndugu na laana juu. Je,ni mara ngapi umesikia
Read more