HASIRA HASARA

Habari za leo rafiki yangu!bila shaka uko vizuri na unapiga hatua kila unaporuhusu ubongo wako upokee vitu vipya na kukuongezea thamani katika maisha yako.


Leo ni siku nyingine tena tunayofuraha kuungana pamoja kujifunza kuhusu hasira hasara ,hebu jiulize ni mara ngapi umeruhusu hasira iamue juu ya hatima ya maisha yako licha ya kuijua methali hii? unadhani maamuzi uliyochukua ukiwa na hasira yamekuwa chanya kwenye maisha yako? kama hasira imekupa athari hasi za maamuzi uliyochukua ukiwa umeudhiwa ,umechukua hatua gani hata sasa?


Naomba upate muda utafakari kiasi ambacho maisha yako yameathiriwa kutokana na maamuzi uliyofanya ukiwa na hasira, hebu mtazame Kaini alichofanya baada ya kutawaliwa na hasira alimuua nduguye Abeli, na baada ya hapo akaingia kwenye laana ambayo hakika ilisababisha maisha yake yasiende vizuri. Yawezekana kabisa alijua kwamba akiua ndugu yake mambo yake yatakuwa mazuri na pengine atakubalika badala yake kampoteza ndugu na laana juu.


Je,ni mara ngapi umesikia habari za watu kuchomana visu na kujeruhiana au kuuana kabisa kwa sababu aidha wamesalitiwa au kufumania wenzi wao?


Je,hujawahi kuona au kusikia watu wakiharibu na kuvunja mali zao, vyombo au vifaa vyao vya ndani mfano simu,tv,redio,vyombo vya chakula,chupa za chai n.k kutokana na hasira zao halafu zinapoisha wanaanza kujuta na kujilaumu kwa maamuzi waliyoyachukua kwa kuwaingizia hasara?


Je,hujasikia habari ya mtu kujidhuru mfano,Baada ya kumfumania mkewe akitoka nje ya ndoa kwa kuwa mumewe hakutahiriwa na alipoulizwa hakusita kusema hivyo na mume kuona amedharirishwa kwa watu kwamba hajatahiriwa  akaamua kujikata sehemu zake za siri licha ya kuwa na mke aliyemsisitiza juu ya tohara.je,kujikata kumesaidia kuondoa tatizo la kuchepuka kwa mkewe?


Bila shaka habari hizi unazisikia kila leo,ndio hutokea kila mara kwa sababu watu wengi hawajui jinsi ya kuziongoza na kuzizuia hasira zao kabla hawajafanya maamuzi. Uwapo na hasira si rahisi kufanya maamuzi ya busara kwa maisha yako na wenzako.
Hasira haikupi muda wa kufikiria matokeo ya maamuzi yako
1. kama yatakuwa hasi au chanya 2.kama yatatatua tatizo au       
    kuliongeza
3.kama yatakurejeshea furaha au  
    kuiondoa kabisa
4.kama utafarijika na kuwa na   
   amani au ndio utaingia mazingira 
   ya msongo zaidi amani itoweke
   kabisa?


Siku zote hasira humuongoza mtu kufanya mabaya ,jifunze hapa jinsi ya kuzuia hasira!


Kabla hujafanya maamuzi yoyote ni lazima ujiulize matokeo kwanza ya kile utakachokiamua,je kitaathiri vipi maisha ya kwako na wengine?
kamwe usiruhusu hasira iamue juu ya maisha yako kwa sababu hasira ni hasara!


Imeandikwa na Antony Mwakilima.
mawasiliano: 0756-351 462
                         0672-314 874
email: mwaijox@gmail.com


                    ©2016


Comments

Post a Comment

Popular posts from this blog

AVUMILIAYE MPAKA MWISHO NDIYE ATAKAYEOKOKA!

Habari ya uzima mpenzi msomaji wa makala zetu,tunayofuraha kuzidi kuendelea kujifunza pamoja nawe.Siku ya leo ni siku ya pekee kabisa ambayo tunakwenda kuzungumzia habari ya kuvumilia mpaka mwisho. Kuvumilia ni kule kukabiliana na changamoto zozote unazokutana nazo pasi na kukata tamaa,kurudi nyumba au kukubali kushindwa. Anayevumilia ni yule asiyekuwa tayari kushindwa licha ya ugumu anaoupitia. Kuvumilia kuna ukomo tofauti tofauti kulingana na mtu binafsi na ugumu husika anaoupitia. Kwa uzito uleule wa kazi fulani au changamoto fulani,wapo watu wa makundi yafuatayo kuhusiana na viwango vya uvumilivu wao. WANAOVUMILIA MUDA MFUPI TU. Kuna wengine huweza kuvumilia changamoto kwa muda mfupi tu na kukata tamaa au kuchoka kabisa na asiwe tayari kuendelea tena. Hawa wengi wao wanakuwa bado hawajayakaribia mafanikio kabisa yaani wanapothubutu tu kufanya jambo la kuwapeleka kwenye mafanikio, wakikutana na changamoto hukimbia kana kwamba wanapokimbilia hakuna changamoto. Hawa wanadhani ...
Read more

KIPIMO UNACHOPIMIA WENGINE NDICHO UTAKACHOPIMIWA

Habari zenu wanamafanikio ? Ni dhahiri kuwa MUNGU anatupenda sana kiasi kwamba ametupa tena nafasi kafika mwaka mwingine tena kuendelea kujifunza kutoka kwake kupitia watu mbalimbali kwa manufaa ya maisha yetu! Kipimo ni kiasi au kiwango Fulani chenye kizio kwa namna ya kifizikia lakini kwa namna kusudiwa hapa kipimo kinamaana ya kiwango cha matendo au mambo unayoyafanya kwa wengine ambayo yanaweza  kuwasaidia au yasiwasaidie kwa kutotosheleza kile walitaraji! Kuna namna umekuwa na uwezo wa kuwasaidia wengine kwa kiwango Fulani tuchukulie labda ni kilo kumi za mchele lakini wewe umetoa kilo tano usitegemee ukihitaji wewe utapewa kilo kumi la sivyo hukuwa na uwezo wa kutoa kilo kumi ndipo ukatoa tano. Upo wakati umekuwa ukilalamika kwa habari ya kutaka msaada Fulani kwa mtu Fulani uliyemuamini atafanya kwa kiwango Fulani ridhishi kwako na hakufanya hivyo, nataka nikuambie kabla hujaanza kulaumu na kulalamika kwamba mtu uliyemuamini na kumkubali namna hiyo angeweza kukutendea hivy...
Read more

USIMDHARAU MTU YEYOTE

Habari yako mpenzi msomaji wetu?Bila shaka u mzima wa afya.Ni wakati mwingine tena siku nyingine tukiwa na hamasa nyingine nakukaribisha tuungane pamoja kujifunza juu ya usimdharau MTU yeyote! USIMDHARAU MTU Ndio natumaini kila mmoja wetu kama binadamu yawezekana kabisa kuna mazingira umekutana nayo kwenye maisha ukawadharau wengine au kuna Hadhi umepata ikakupelekea uone wewe pekee ndio unamaana na umuhimu.Nataka nikuambie usimdharau mtu awayeyote kwa sababu, Bado hujajua kila Kitu Yawezekana kwa hilo ulifanyalo wapo wenye maarifa zaidi ukiwadharau hutayapata.usijione kwamba huwezi tena kuhitaji maarifa yoyote kutoka kwa wengine, ni muhimu sana kujua hili ikiwa unataka kufanikiwa ni lazima uwe mchezaji mzuri wa timu yako ,maarifa yetu yanatofautiana na uwezo wa kufanya mambo vilevile kwa hiyo badala ya kudharauliana,golikipa anapaswa asimdharau mfungaji wake ama beki ili waweze kushirikiana vizuri hebu tushikane mikono kama timu tucheze pamoja ndivyo wengine wanavyofunga mago...
Read more