NINAWEZA

Ndugu mpenzi msomaji na mfuatiliaji wa makala zetu tunakusalimu kwa kabila lako,bila shaka haujambo na unaendelea na mapambano kwa nguvu mpya na kasi zaidi ukifanya kazi kwa bidii ili kufikia kilele cha safari yetu.
Karibu tena tuendelee kujifunza pamoja,Leo nataka tujifunze tabia ya kujiambia ninaweza...

Sema ninaweza!
Ndio mimi naweza,
Na ninataka akili yangu ifahamu hivyo kwamba ninaweza kwa hiyo akili yangu pia inaweza kufikiri zaidi ya kawaida juu ya utatuzi wa jambo kubwa/ tatizo ambalo kwa hali ya kawaida haliwezekani lakini ile kwamba hujaiwekea akili mipaka inatamani kuthibitisha kwamba hakika unaweza na ikifikiri zaidi kuna suluhu.

Nataka mwili wangu utambue mimi ninaweza kufanya mambo makubwa zaidi ya vile unavyodhani na ulivyozoea kuvifanya hivyo linapotokea jambo kubwa linalohitaji nguvu zaidi, kabla ya kuwaza maumivu mwili utambue unaweza kufanya kwa kuangalia matunda ya jambo hilo badala ya maumivu ya muda mfupi tu.

Natamani pia moyo wangu ukubali hakika ya kwamba ninaweza na usizimie kwa ugumu wala uzito wa mambo yanayoendelea au yatakayojitokeza kwa sababu ninaweza hivyo nao unaweza kustahimili mambo makubwa ya maumivu au namna yoyote ambayo unaweza ukasita kuyachukulia na kusamehe, ninaweza!.

Kama akili ,moyo na mwili vimekubali ninaweza basi ni dhahiri kwamba macho nayo hayatataka kuuangusha mwili yataanza kuona mbali zaidi ya viwango vya kawaida, masikio vilevile yatajifunza kusikiliza na kuzingatia zaidi, hata nitakapoituma mikono haitakuwa na uvivu wa kushika na kufanya vizuri zaidi pia miguu haitaogopa umbali tena kwa sababu ninaweza.
Kwa nini niseme naweza? Ninataka mwili,akili na moyo viwe tayari kujaribu mambo mengi zaidi bila kujali ugumu wala uzito wake nipate nguvu ya kuthubutu. Naam moyo useme ninaweza kubeba changamoto zote pasipo kuchoka nayo Akili iseme sitachoka kufikiri maana ninaweza kuleta ufumbuzi. Lakini mwili nao useme sitajali maumivu wala uchovu wowote maana ninaweza kustahimili ugumu na maumivu pasipo kuchoka mpaka nione matokeo mazuri ninayotarajia.

Jiambie sasa unaweza naam usiruhusu mashaka wala kusita kwa sababu ni kweli unaweza, sema ninaweza kwa kuwa tunayaweza yote kwake yeye atutiaye nguvu!

Imeandikwa na Antony Mwakilima.
Mawasiliano:     0756 351 462
                             0672 314 874
email:     mwaijox@gmail.com      

       TAFAKARI BADILI MTAZAMO
                         ©2017

Comments

Post a Comment

Popular posts from this blog

AVUMILIAYE MPAKA MWISHO NDIYE ATAKAYEOKOKA!

Habari ya uzima mpenzi msomaji wa makala zetu,tunayofuraha kuzidi kuendelea kujifunza pamoja nawe.Siku ya leo ni siku ya pekee kabisa ambayo tunakwenda kuzungumzia habari ya kuvumilia mpaka mwisho. Kuvumilia ni kule kukabiliana na changamoto zozote unazokutana nazo pasi na kukata tamaa,kurudi nyumba au kukubali kushindwa. Anayevumilia ni yule asiyekuwa tayari kushindwa licha ya ugumu anaoupitia. Kuvumilia kuna ukomo tofauti tofauti kulingana na mtu binafsi na ugumu husika anaoupitia. Kwa uzito uleule wa kazi fulani au changamoto fulani,wapo watu wa makundi yafuatayo kuhusiana na viwango vya uvumilivu wao. WANAOVUMILIA MUDA MFUPI TU. Kuna wengine huweza kuvumilia changamoto kwa muda mfupi tu na kukata tamaa au kuchoka kabisa na asiwe tayari kuendelea tena. Hawa wengi wao wanakuwa bado hawajayakaribia mafanikio kabisa yaani wanapothubutu tu kufanya jambo la kuwapeleka kwenye mafanikio, wakikutana na changamoto hukimbia kana kwamba wanapokimbilia hakuna changamoto. Hawa wanadhani
Read more

KIPIMO UNACHOPIMIA WENGINE NDICHO UTAKACHOPIMIWA

Habari zenu wanamafanikio ? Ni dhahiri kuwa MUNGU anatupenda sana kiasi kwamba ametupa tena nafasi kafika mwaka mwingine tena kuendelea kujifunza kutoka kwake kupitia watu mbalimbali kwa manufaa ya maisha yetu! Kipimo ni kiasi au kiwango Fulani chenye kizio kwa namna ya kifizikia lakini kwa namna kusudiwa hapa kipimo kinamaana ya kiwango cha matendo au mambo unayoyafanya kwa wengine ambayo yanaweza  kuwasaidia au yasiwasaidie kwa kutotosheleza kile walitaraji! Kuna namna umekuwa na uwezo wa kuwasaidia wengine kwa kiwango Fulani tuchukulie labda ni kilo kumi za mchele lakini wewe umetoa kilo tano usitegemee ukihitaji wewe utapewa kilo kumi la sivyo hukuwa na uwezo wa kutoa kilo kumi ndipo ukatoa tano. Upo wakati umekuwa ukilalamika kwa habari ya kutaka msaada Fulani kwa mtu Fulani uliyemuamini atafanya kwa kiwango Fulani ridhishi kwako na hakufanya hivyo, nataka nikuambie kabla hujaanza kulaumu na kulalamika kwamba mtu uliyemuamini na kumkubali namna hiyo angeweza kukutendea hivyo, u
Read more

HASIRA HASARA

Image
Habari za leo rafiki yangu!bila shaka uko vizuri na unapiga hatua kila unaporuhusu ubongo wako upokee vitu vipya na kukuongezea thamani katika maisha yako. Leo ni siku nyingine tena tunayofuraha kuungana pamoja kujifunza kuhusu hasira hasara ,hebu jiulize ni mara ngapi umeruhusu hasira iamue juu ya hatima ya maisha yako licha ya kuijua methali hii? unadhani maamuzi uliyochukua ukiwa na hasira yamekuwa chanya kwenye maisha yako? kama hasira imekupa athari hasi za maamuzi uliyochukua ukiwa umeudhiwa ,umechukua hatua gani hata sasa? Naomba upate muda utafakari kiasi ambacho maisha yako yameathiriwa kutokana na maamuzi uliyofanya ukiwa na hasira, hebu mtazame Kaini alichofanya baada ya kutawaliwa na hasira alimuua nduguye Abeli, na baada ya hapo akaingia kwenye laana ambayo hakika ilisababisha maisha yake yasiende vizuri. Yawezekana kabisa alijua kwamba akiua ndugu yake mambo yake yatakuwa mazuri na pengine atakubalika badala yake kampoteza ndugu na laana juu. Je,ni mara ngapi umesikia
Read more