USIOGOPE

Habari za wakati huu mpenzi msomaji na mfuatiliaji wa makala zetu. Ninayo imani kuwa uko vizuri kiafya na unaendelea kupambana. Karibu tushirikishane jambo hili.

Kama kipo Kitu MUNGU anathamini kwenye maisha ya kwako basi ni ule mpango yuko nao juu yako.
Kuna watu ambao umewaamini sana,ni watu wa karibu,mke au mume, wazazi,mpenzi, ndugu ,marafiki zetu tumewashirikisha kuhusu maisha yetu na mipango tuliyonayo na yamkini tukadhani tungepata kusaidika na badala yake, tumepata matokeo kinyume na taraja letu. Natamani nikutie moyo kwamba kama suala la mipango ya MUNGU kwetu lingekuwa la kawaida kwake basi isingekuwa rahisi,

Yusufu kuweza kuwa waziri mkuu na hatimaye ndugu zake kuwa chini yake kama MUNGU alivyokuwa amemuonesha kwenye maono kupitia njozi zake. Kwa sababu alipowashirikisha ndugu zake walikuwa tayari hata kumuua ili kile MUNGU amekusudia kwa Yusufu kisitokee.

Ayubu pia asingeweza kushinda jaribu alilopitia hususan ni pale ambapo mkewe anamshawishi amkufuru MUNGU ili afe, ndipo ujiulize Huyo mke alikuwa anaelewa maana ya usaidizi ama la? Je kweli alilijua kusudi la MUNGU kupewa Ayubu kama mumewe? Maana haikumsumbua kabisa kusema akufuru afe, akifa halafu?

Kwa mantiki hiyo kumbe rafiki, ndugu mpenzi, mke, mume hata wazazi wakwako wanaweza kuwa kikwazo kuzifikia ndoto zako. Kumbe watu ambao kwa kiwango kikubwa wanaweza kuyaathiri maisha yako ni wale wakaribu nawe na unaowaamini, japo wapo wazuri ambao wanaweza kukusaidia kuyafikia yale MUNGU amekusudia kwenye maisha yako,

mfano Daudi na Jonathan walikuwa marafiki siku hizi wanasema marafiki wa faida Kitu ambacho kilimtia moyo Daudi kwa habari ya wito wa kifalme, haikuwa rahisi lakini Rafiki aliposimama kwenye nafasi yake mambo yote yakawa sawa,

Ningesema angalia sana marafiki unaowachagua tena uchague wale unaodhani wanamsaada juu ya kile ulichokibeba lakini vipi kuhusu wazazi, ndugu pamoja na mkeo au mumeo? hao nao utawachagua tena? Si rahisi, sasa basi utambue kuwa Hakuna MTU wa kubatilisha mpango wa MUNGU kwenye maisha yako labda aamue yeye au wewe uruhusu iwe hivyo.

Usiogope unapokutana na hali yoyote ya kukukatisha tamaa kutoka kwa watu wa karibu kwa sababu wewe si wakwanza kutendwa nao isipokuwa unachopaswa kuangalia ni MUNGU aliyekupa hiyo zawadi aamue kwako na sio wanadamu, Usivunjike moyo MUNGU atalilinda kusudi hilo hadi litimie kuwa Mwaminifu. Yeye MUNGU aliyemwambia Mussa kwamba hata kama hajui kuongea ama anakigugumizi ni lazima atoke na Wanaisrael Misri kwenda Kaanani, Hata akamwambia Jeremia nalikujua tangu kabla misingi ya Dunia kuwepo,
hulitazama neno lake apate kulitimiza ,hatokuacha Usiogope!

.

Imeandikwa na Antony Mwakilima.
Mawasiliano:     0756 351 462
                             0672 314 874
email:     mwaijox@gmail.com      

       TAFAKARI BADILI MTAZAMO
                         ©2017

Comments

Post a Comment

Popular posts from this blog

AVUMILIAYE MPAKA MWISHO NDIYE ATAKAYEOKOKA!

Habari ya uzima mpenzi msomaji wa makala zetu,tunayofuraha kuzidi kuendelea kujifunza pamoja nawe.Siku ya leo ni siku ya pekee kabisa ambayo tunakwenda kuzungumzia habari ya kuvumilia mpaka mwisho. Kuvumilia ni kule kukabiliana na changamoto zozote unazokutana nazo pasi na kukata tamaa,kurudi nyumba au kukubali kushindwa. Anayevumilia ni yule asiyekuwa tayari kushindwa licha ya ugumu anaoupitia. Kuvumilia kuna ukomo tofauti tofauti kulingana na mtu binafsi na ugumu husika anaoupitia. Kwa uzito uleule wa kazi fulani au changamoto fulani,wapo watu wa makundi yafuatayo kuhusiana na viwango vya uvumilivu wao. WANAOVUMILIA MUDA MFUPI TU. Kuna wengine huweza kuvumilia changamoto kwa muda mfupi tu na kukata tamaa au kuchoka kabisa na asiwe tayari kuendelea tena. Hawa wengi wao wanakuwa bado hawajayakaribia mafanikio kabisa yaani wanapothubutu tu kufanya jambo la kuwapeleka kwenye mafanikio, wakikutana na changamoto hukimbia kana kwamba wanapokimbilia hakuna changamoto. Hawa wanadhani
Read more

KIPIMO UNACHOPIMIA WENGINE NDICHO UTAKACHOPIMIWA

Habari zenu wanamafanikio ? Ni dhahiri kuwa MUNGU anatupenda sana kiasi kwamba ametupa tena nafasi kafika mwaka mwingine tena kuendelea kujifunza kutoka kwake kupitia watu mbalimbali kwa manufaa ya maisha yetu! Kipimo ni kiasi au kiwango Fulani chenye kizio kwa namna ya kifizikia lakini kwa namna kusudiwa hapa kipimo kinamaana ya kiwango cha matendo au mambo unayoyafanya kwa wengine ambayo yanaweza  kuwasaidia au yasiwasaidie kwa kutotosheleza kile walitaraji! Kuna namna umekuwa na uwezo wa kuwasaidia wengine kwa kiwango Fulani tuchukulie labda ni kilo kumi za mchele lakini wewe umetoa kilo tano usitegemee ukihitaji wewe utapewa kilo kumi la sivyo hukuwa na uwezo wa kutoa kilo kumi ndipo ukatoa tano. Upo wakati umekuwa ukilalamika kwa habari ya kutaka msaada Fulani kwa mtu Fulani uliyemuamini atafanya kwa kiwango Fulani ridhishi kwako na hakufanya hivyo, nataka nikuambie kabla hujaanza kulaumu na kulalamika kwamba mtu uliyemuamini na kumkubali namna hiyo angeweza kukutendea hivyo, u
Read more

HASIRA HASARA

Image
Habari za leo rafiki yangu!bila shaka uko vizuri na unapiga hatua kila unaporuhusu ubongo wako upokee vitu vipya na kukuongezea thamani katika maisha yako. Leo ni siku nyingine tena tunayofuraha kuungana pamoja kujifunza kuhusu hasira hasara ,hebu jiulize ni mara ngapi umeruhusu hasira iamue juu ya hatima ya maisha yako licha ya kuijua methali hii? unadhani maamuzi uliyochukua ukiwa na hasira yamekuwa chanya kwenye maisha yako? kama hasira imekupa athari hasi za maamuzi uliyochukua ukiwa umeudhiwa ,umechukua hatua gani hata sasa? Naomba upate muda utafakari kiasi ambacho maisha yako yameathiriwa kutokana na maamuzi uliyofanya ukiwa na hasira, hebu mtazame Kaini alichofanya baada ya kutawaliwa na hasira alimuua nduguye Abeli, na baada ya hapo akaingia kwenye laana ambayo hakika ilisababisha maisha yake yasiende vizuri. Yawezekana kabisa alijua kwamba akiua ndugu yake mambo yake yatakuwa mazuri na pengine atakubalika badala yake kampoteza ndugu na laana juu. Je,ni mara ngapi umesikia
Read more