UNAPOKUWA MWANAMKE!

Habari ya wakati huu wapendwa wasomaji wa makala zetu. Nikupe hongera kwa kuendelea kuweka muda wako kwa ajili yetu ili tujifunze pamoja.
Karibu tusherehekee kwa namna hii siku hii ya leo ambapo mama zetu,wapenzi wetu,rafiki zetu wa kike na ndugu zetu wanaadhimisha siku yao.

Unayonafasi kubwa sana Duniani,kuna vitu vingi sana vinanisukuma kusema hivi mfano pasipo mwanamke isingekuwa rahisi Yesu kuja duniani kama mwanadamu,haijalishi mimba ilitungwaje tunachojua alikuja duniani kupitia mwanamke,sijui ni wanawake wangapi wanaiona hii nafasi kubwa kabisa waliyopewa na MUNGU,kulibeba kusudi kubwa la wokovu wa wengi.Upande mwingine Mwanamke ndiye mtunza familia ndiye anayejua nani yuko wapi anafanya nini wakati gani,Kitu ambacho mwanaume huelezwa tu kama taarifa anaejua kipi kimepungua kipi kinahitajika nyumbani, hela si tatizo, tatizo ni Jana tulikula hiki na Leo tule kile husimamia yeye.Anategemewa na familia, amefanywa kuwa msaidizi wa mwanaume yaani uwepo wake ni kumfanya mwanaume aweze anaposhindwa,maana anayemsaidia mwingine ni mwenye uwezo zaidi ya anayesaidiwa kwamba mwanaume akikwama asimame yeye kumsaidia mpaka atoke alipokwama, Sijui kama wanawake wanaitambua nafasi hii kubwa pia waliyopewa, Lakini nataka kusema kama mwanamke atasimama kwenye nafasi yake basi hakuna jambo litakaloharibika, hakuna ndoa zitakazovunjika hovyo, hakuna familia zitakazoteseka hovyo. Hakutakuwa na migogoro makanisani.Kule kujiona hawawezi, kule kujiona hawana sauti, kule kusema" mimi ni mwanamke tu nitabaki mwanamke" kumewafanya wamepoteza nafasi zao kwenye familia,kanisa,jamii na taifa kwa ujumla. Kama Mungu alikuamini kwamba utalibeba kusudi lake kwa miezi tisa na akakupa kumsaidia mwanaume pia, kwa nini usijiamini?

Hebu chukua hatua sasa usimame kwenye nafasi yako,utambue uwezo mkubwa Mungu aliokupa kama Mwanamke ukamsaidie mwanaume kulibeba kusudi la Mungu na kulitimiza,Hebu jiulize ungesimama kwenye nafasi yako ungekuwa hivyo ulivyo? Familia, kanisa, jamii na taifa lako lingekuwa hapo?Na kama sivyo unafanya nini hata Leo kukaa kwenye nafasi yako? Unasubiri nini kumpa Mungu utukufu kwa kukupa nafasi kubwa namna hiyo?

Ewe mwanamke itambue nafasi yako ujenge familia,kanisa,jamii na taifa lako!!!

HERI YA SIKU YA WANAWAKE DUNIANI!

Imeandikwa na Antony Mwakilima.
Mawasiliano:     0756 351 462
                             0672 314 874
email:     mwaijox@gmail.com      

       TAFAKARI BADILI MTAZAMO
                         ©2017

Comments

Post a Comment

Popular posts from this blog

AVUMILIAYE MPAKA MWISHO NDIYE ATAKAYEOKOKA!

Habari ya uzima mpenzi msomaji wa makala zetu,tunayofuraha kuzidi kuendelea kujifunza pamoja nawe.Siku ya leo ni siku ya pekee kabisa ambayo tunakwenda kuzungumzia habari ya kuvumilia mpaka mwisho. Kuvumilia ni kule kukabiliana na changamoto zozote unazokutana nazo pasi na kukata tamaa,kurudi nyumba au kukubali kushindwa. Anayevumilia ni yule asiyekuwa tayari kushindwa licha ya ugumu anaoupitia. Kuvumilia kuna ukomo tofauti tofauti kulingana na mtu binafsi na ugumu husika anaoupitia. Kwa uzito uleule wa kazi fulani au changamoto fulani,wapo watu wa makundi yafuatayo kuhusiana na viwango vya uvumilivu wao. WANAOVUMILIA MUDA MFUPI TU. Kuna wengine huweza kuvumilia changamoto kwa muda mfupi tu na kukata tamaa au kuchoka kabisa na asiwe tayari kuendelea tena. Hawa wengi wao wanakuwa bado hawajayakaribia mafanikio kabisa yaani wanapothubutu tu kufanya jambo la kuwapeleka kwenye mafanikio, wakikutana na changamoto hukimbia kana kwamba wanapokimbilia hakuna changamoto. Hawa wanadhani
Read more

KIPIMO UNACHOPIMIA WENGINE NDICHO UTAKACHOPIMIWA

Habari zenu wanamafanikio ? Ni dhahiri kuwa MUNGU anatupenda sana kiasi kwamba ametupa tena nafasi kafika mwaka mwingine tena kuendelea kujifunza kutoka kwake kupitia watu mbalimbali kwa manufaa ya maisha yetu! Kipimo ni kiasi au kiwango Fulani chenye kizio kwa namna ya kifizikia lakini kwa namna kusudiwa hapa kipimo kinamaana ya kiwango cha matendo au mambo unayoyafanya kwa wengine ambayo yanaweza  kuwasaidia au yasiwasaidie kwa kutotosheleza kile walitaraji! Kuna namna umekuwa na uwezo wa kuwasaidia wengine kwa kiwango Fulani tuchukulie labda ni kilo kumi za mchele lakini wewe umetoa kilo tano usitegemee ukihitaji wewe utapewa kilo kumi la sivyo hukuwa na uwezo wa kutoa kilo kumi ndipo ukatoa tano. Upo wakati umekuwa ukilalamika kwa habari ya kutaka msaada Fulani kwa mtu Fulani uliyemuamini atafanya kwa kiwango Fulani ridhishi kwako na hakufanya hivyo, nataka nikuambie kabla hujaanza kulaumu na kulalamika kwamba mtu uliyemuamini na kumkubali namna hiyo angeweza kukutendea hivyo, u
Read more

HASIRA HASARA

Image
Habari za leo rafiki yangu!bila shaka uko vizuri na unapiga hatua kila unaporuhusu ubongo wako upokee vitu vipya na kukuongezea thamani katika maisha yako. Leo ni siku nyingine tena tunayofuraha kuungana pamoja kujifunza kuhusu hasira hasara ,hebu jiulize ni mara ngapi umeruhusu hasira iamue juu ya hatima ya maisha yako licha ya kuijua methali hii? unadhani maamuzi uliyochukua ukiwa na hasira yamekuwa chanya kwenye maisha yako? kama hasira imekupa athari hasi za maamuzi uliyochukua ukiwa umeudhiwa ,umechukua hatua gani hata sasa? Naomba upate muda utafakari kiasi ambacho maisha yako yameathiriwa kutokana na maamuzi uliyofanya ukiwa na hasira, hebu mtazame Kaini alichofanya baada ya kutawaliwa na hasira alimuua nduguye Abeli, na baada ya hapo akaingia kwenye laana ambayo hakika ilisababisha maisha yake yasiende vizuri. Yawezekana kabisa alijua kwamba akiua ndugu yake mambo yake yatakuwa mazuri na pengine atakubalika badala yake kampoteza ndugu na laana juu. Je,ni mara ngapi umesikia
Read more